Премиерот Зоран Заев му го честиташе меѓународниот успех на режисерот Горан Тренчовски за филмот „Златна петорка“, соопшти владината прес-служба.
Заев во својот кабинет денеска оствари средба со режисерот Горан Тренчовски и со продуцентот Дејан Милошевски.
Тренчовски го информираше премиерот за последните успеси на неговиот најнов филм „Златна петорка“ што е добитник на првата награда на меѓународниот филмски фестивал во Мумбаи, Индија, и според нивните информации, очекуваат награда и од филмскиот фестивал во Њу Џерси во САД.
Освен овие признанија, овој македонски филм има освоено и седум други меѓународни награди.
Премиерот Заев, ги поздрави успесите на авторската екипа на овој филм, и истакна дека нивните успеси се значаен придонес во промовирање на македонската култура преку својата уметност, се додава во соопштението на Кабинетот на премиерот.
– Делата на културата треба да ги гледаме како наши деца, кои остануваат да живеат и после нас со векови, рече премиерот Заев во оваа прилика.
Тој во оваа прилика, истакнал дека Владата прави сѐ културните квалитети и капацитети со кои располага Македонија да бидат поддржани и афирмирани.