Во организација на коалицијата О2 за чист воздух, Првата детска амбасада во светот „Меѓаши“ и повеќе граѓански организации вечерва во Скопје се одржува марш за право на чист воздух.
Граѓаните маршираа од пред зградата на Владата од каде се упатија кон населбата Карпош, за да се приклучат на учесниците во тамошниот протест под мотото „Стоп за згради“.
Учесниците на протестот бараат да бидат стопирани сите градежни активности од булеварите „Илинден“ до „8-ми Септември“, до Кејот на Вардар и улицата „Љубљанска“.
Од Коалицијата О2 испратиле предлог мерки за справување со загадувањето до Министерството за животна средина, а бараат тие да бидат дел и од програмите на кандидатите за градоначалници.
