СВР-Штип спроведе Републичка акциска контрола на возачи кои управуваат возила со брзина поголема од пропишаната и контрола на возачи кои вршат непрописно пристигнување, изјави на денешната прес-конференција, портпаролот на СВР-Штип, Гордана Панајотова.
Таа истакна дека при контролата 141 возач брзо возеле во населените места, додека 105 возачи на регионалните и магистрални патишта своите возила ги управувале со брзина поголема од пропишаната.
– Преземени се 246 мерки по горенаведениот прекршок, при што издадени се 191 мандатни платни налози за наплата на глоба и 51 возач писмено се опоменати, додека 28 возачи извршиле непрописно претекнување за кои преземени се ист број мерки, односно издадени се 23 мандатни платни налози и пет прекршочни платни налози, вели Панајотова.
Таа истакна дека СВР-Штип апелира до сите возачи дека и понатаму на патиштата ќе имаат зајакнати контроли за откривање и спречување на прекршоците кои ги прават возачите. Токму управување на возилата со брзина поголема од дозволената е една од најчестите причини за сообраќајни несреќи со потешки последици и ја загрозуваат безбедноста на сите учесници во сообраќајот.
Во источна Македонија во изминатите девет месеци во тешки сообраќајни несреќи загинаа 18 лица.