Социјалдемократскиот сојуз на Македонија, утре, во Скопје ќе организира голем протестен собир пред седиштето на ВМРО-ДПМНЕ, или како што ја нарекуваат „Жолтата“ куќа.
Протестот ќе започне во 12 часот.
Учесниците на мирниот протестен собир ќе пристигнат со заедничко организирано движење кон седиштето на ВМРО-ДПМНЕ.
„Собирно место од каде учесниците на протесниот собир ќе се упатат кон седиштето на ВМРО-ДПМНЕ е на локација „Јужен Булевар“ (кај „Рамстор“). Движењето започнува во 11:45 часот, продолжува по улицата „М.Х. Јасмин“, па се оди покрај „Бристол“, потоа се врти лево по улицата „Даме Груев“ (во обратна насока) сè до ТЦ „Плаза“ каде се врти десно, и се влегува кон седиштето на ВМРО-ДПМНЕ“, стои во СДСМ во соопштението.