Советниците на ВМРО- ДПМНЕ , ја напуштија денешната седница на Советот на Општина Охрид , на која беше донесен буџетот на општината за 2013 година. Наместо од говорницата , за што земаат паушален паричен надомест, тие се определија нивните неаргументирани обвинувања да ги соопштат на прес конференција .
По директива на врвот на нивната партија ВМРО- ДПМНЕ , побрзаа на јавноста да и пласираат нова лага . На нивната прес конференција , го обвинија градоначалникот Александар Петрески и Советот на општина Охрид дека божемно немале услови за работа и заминале од страв да не настане инцидент.
Редно е да признаат пред јавнота дека лажат , бидејќи од снимениот видео и фото материјал на новинарските екипи , секој може да види дека на седницата покрај советниците присуствуваа , овластени претставници од локалната администрација , директори и претставници на нивните служби од јавните претпријатија , училиштата и други субјекти , чии програми за работа се дел од буџетот на Општина Охрид за 2013 година.
Крајно безобзирно ги навредија претставниците на локалната администрација , на училиштата и на јавните претпријатија нарекувајќи ги „ познати насилници кои на седницата дошле да го посеат семето на омразата меѓу охриѓани “ . Со ваквиот речник советничката група на ВМРО- ДПМНЕ уште еднаш покажа дека за нив поважен е партискиот од интересот на граѓаните , па си дозволуваат легално избраните раководители на институции да ги нарекуваат насилници.
Насилство врз демократијата немаше на денешната седница на Советот на општина Охрид , но го имаше на седницата на Собранието на Република Македонија . Насилство врз демократијата прави нивната партија ВМРО- ДПМНЕ и затоа , народот ќе ја казни на престојните избори.