Синоќа две непознати лица извршиле кражба со закана со пиштол во продавница „Стокомак“ на улица Новопроектирана во Скопје.
Лицата со закана со пиштол ги одзеле парите од дневниот промет, испукале два куршуми во магацинот по што го напуштиле местото на настанот.
Увид на лице место извршила екипа на СВР Скопје при што биле пронајдени и подигнати две чаури. Полицијата презема мерки за пронаоѓање на сторителите и целосно расчистување на случајот.