Стратегија за проширување на ЕУ, добрососедските односи, Берлинскиот процес и регионалната соработка која произлегува од него, поефикасното користење на ИПА фондовите, размена на информации од заеднички интерес и меѓуграничната соработка се темите на кои денеска на работен појадок ќе разговараат вицепремиерот за европски прашања Бујар Османи и амбасадорите на земјите од Западен Балкан.
На средбата, која ќе се одржи во Секретаријатот за европски прашања (СЕП), поканети се амбасадорите на Албанија, Босна и Херцеговина, Косово, Црна Гора и Србија.
Како што информираат од СЕП, оваа средба е прва од серијата предвидени редовни координативни состаноци со амбасадори на земјите од Западен Балкан.