Обвинувањата за наводна скандалозна кампања на Општина Аеродром што претседателот на ОО СДСМ Аеродром, Златко Марин, на денешната прес-конференција ги упати на сметка на Општина Аеродром, се во најмала рака смешни бидејќи со тоа СДСМ продолжува да се однесува како опозиција заборавајќи дека е власт, реагира Општина Аеродром.
„Доколку навистина има неправилности во работењето на Општина Аеродром, како што се тврди, вратите на Општината се отворени и државните органи, кои патем речено се под нивна команда, може слободно во секое време да дојдат и да проверат“, се вели во реакцијата.
Општина Аеродром, велат од таму, работи беспрекорно законски и транспарентно и досега, само во последните 4 години, се реализирани над 200 проекти во интерес на нејзините жители, нема ниту денар долг и има обезбедени средства за непречено функционирање во наредните 4 години.