Во регионалната кошаркарска АБА лига се играат натпреварите од 15.коло, а во последниот вчерашен дуел Раднички на домашен терен ја победи Цедевита со 85:77.
Од македонските репрезентативци кои настапија во поразената екипа, Владо Илиевски за 9 минути не постигна ниту еден поен, додека Маркиз Грин за 31.минута постигна 15 поени со што беше втор стрелец и еден од најдобрите во Цедевита.
Македонскиот шампион МЗТ Скопје Аеродром во ова коло го победи Широки и се наоѓа на делба на четвртото место со Цедевита.
Резултати на досега завршените натпревари од оваа рунда: Широки – МЗТ Скопје 71:72, Крка – Партизан 58:66, Црвена Звезда – Задар 88:79, Сплит – Унион Олимпија 78:70, Цибона – Шолнок 97:71 и Раднички – Цедевита 85:77.
Вечерва играат Будуќност – Игокеа.
Табела: Игокеа 12-2 (победи-порази), Црвена Звезда 10-5, Партизан 10-5, Цедевита 9-6, МЗТ Скопје Аеродром 9-6, Раднички 8-7, Унион Олимпија 8-7, Будуќност 7-7, Цибона 6-9, Задар 6-9, Сплит 6-9, Крка 5-10, Широки 4-11 и Шолнок 4-11.
Следниот натпревар МЗТ Скопје Аеродром ќе го одигра на 5 јануари 2013 година на домашен терен против Будуќност.