Лицеот А.О. од селото Падалиште, кичевско, вчера пријавил дека во атарот на селото Бериково, во месноста викана „Бериковски камен“ пронашол човечко тело во распаѓање.
Увид на местото извршил јавен обвинител и екипа од полициската станица во Кичево, а по наредба на јавниот обвинител телото било пренесено во болницата во Кичево, каде што било идентификувано како Р.Р. (59) од село Долно Строгомиште, кој на 5. март годинава бил пријавен за исчезнат.
Телото останало во болницата каде што ќе се изврши обдукција за да се утврди причината за смртта.