Половина од поднесените барања за легализација на бесправните градби досега се решени, а решавањето на останатите е забавено поради недоставена комплетна документација од страна на подносителите на барањата, соопштија денеска од Одделението за урбанизам на општина Гевгелија.
-Од вкупно поднесените 5.070 барања, од кои поголемиот број или поточно 4.200 беа поднесени во првичниот, а останатите 870 во продолжениот рок, решивме вкупно 2.550 барања од кои во текот на јуни беа решени 32, велат гевгелиските урбанисти и нагласуваат дека нивниот број сигурно ќе бил поголем доколку биле доставени со комплетна документација.
Најголемиот број на нерешените барања немаат доставено елаборати поради што нивната постапка за решавање е забавена, а честопати причина за нерешавање на барањата за легализација на дивоградбите е неплатениот комунален надоместок, наглсуваат од Одделението за урбанизам на општина Гевгелија.