Секторот за внатрешни работи од Скопје поднесе кривична пријава против Н.П. (42) од Скопје за извршени две кривични дела „разбојништво“, при кои се стекнал со имотна корист од околу 44.000 денари.
Осомничениот, првото кривично дело го извршил на 17. јуни во спортска обложувалница на улица Џон Кенеди, каде што со капа на главата и со закана со безбол палка и пиштол од вработените ги побарал парите од прометот. Откако ги зел парите со спреј-солзавец преку шалтерот ги испрскал вработените и го напуштил местото.
Второто дело го извршил на 22. јуни во аптека на улицата Џон Кенеди, каде што облечен со црн дуксер и капа на главата од вработената најпрво побарал лекови, а потоа извадил пиштол и заканувајќи се дека ќе пука ги побарал парите од каста.