Рускиот претседател Владимир Путин на денешната прес-конференција одговори на 81 новинарско прашање за четири часа и 33 минути.
Но, Путин со тоа не постави нов рекорд, бидејќи на прес-конференција во 2008 година тој одговори на 106 новинарски прашања за четири часа и 40 минути.
Путин одговараше на прашања од новинарите ид федералните и регионалните медиуми, како и на прашањата од странските новинари од Грузија, од Украина, од Кина, од САД и од Полска. Прашањата главно беа насочени кон политиката, економијата и социјалната сфера.
Најголем интерес предизвика предлог-законот за забрана за посвојување на руски деца од американски граѓани.