Во Русија во последните шест денови од студ починаа 45 луѓе.
Во источниот дел на Сибир измерени се минус 48 степени Целзиусови, на Урал минус 38, а во руската република Комис минус 33 степени.
Студеното време ја зафати цела Русија, со температури пониски од 10 до 15 степени од вообичаените за оваа време на годината. Според метеоролозите таквото време ќе трае најмалку уште три дена.
Во Јакутија, во североисточен Сибир измерени се минус 57 степени Целзиусови, а цела недела училиштата се затворени поради студеното време.