Висок претставник на британската полиција предупреди дека поради намалено финансирање и ресурси, полицијата ќе биде соочена со „вистински предизвици“ доколку се повторат немирите во Лондон од 2011 година.
Шефот на полицијата во округот Вест Мидлендс, Дејв Томпсон побара од Владата да ги заштити првите полициски редови со стабилизирање на финансирањето.
Томпсон истакна дека минатата година дошло до колапс на затворската служба и Велика Британија „не може да си дозволи“ истото да и се случи и на полицијата.
Британската полиција и итните служби се под поголем притисок по серијата терористички напади во изминатите месеци и пожарот во лондонскиот солитер.