Резултатите од референдумот против отворање рудници на територијата на општина Гевгелија, имаат правна основа и се обврзувачки за локалната самоуправа, изјави на денешниот прес градоначалникот на Гевгелија, Иван Франгов како одговор на извесни бранувања во јавноста кои се појавија откако беа објавени заклучоците од последната седница на Советот за развој на ЈИПР, чиј претседател е токму Франгов.
Франгов потенцираше дека тие заклучоци во кои се вели дека резултатите од референдумот се доставуваат до Министерството за економија и дека за нив се изјаснува Владата на РМ се однесуваат само за оние општини каде веќе се издадени концесии за експлоатација како на пример во општина Валандово.
– Ситуацијата со референдумот во Гевгелија е поинаква затоа што се одржа пред да добиеме барање за давање милење за доделување концесија врз база на кое Министертвото за економија ќе издадеше дозвола за експлоатација на минерални суровини, рече Франгов и нагласи дека поради тоа резултатот од референдумот во Гевгелија е обврзувачки за локалната самоуправа и кога општината би добила такво барање таа изричито би одговорила негативно, одноно според искажаната волја на жителите на општина Гевгелија.