По повод рамазанските пости, градоначалникот на Град Скопје Коце Трајановски вечерва приреди ифтар вечера.
На ифтар вечерата присуствуваа претставници од Градот Скопје, членови на Советот на Град Скопје, претставници од јавните претпријатија, културните институции и средните училишта коишто се во надлежност на Град Скопје, како и претставници од повеќе општини во Скопје и Скопскиот регион.
Ифтар е прекинување на Рамазанскиот пост после зајдисонце кај лицата од муслиманска вероисповед, поточно тоа претставува вечера за време на Рамазанскиот пост.