Демократската обнова на Македонија денеска соопшти дека е и останува дел од коалицијата предводена од СДСМ.
– Деловнички, сите партии или пратеници во Собранието имаат право да се изјаснат дали ќе работат како дел од некоја пратеничка група од минимум пет пратеници, или како независни пратеници. Двете пратенички од ДОМ, Лилјана Поповска и Маја Морачанин, се изјаснија за истиот статус што го имаше Поповска претходно во минатиот период, кога никој тоа не го спореше. Ова е принципиелен став на зелените партии, на кој инсистираат и во другите парламенти, се наведува во соопштението.