Македонија пат – секција Кочани од изутрината интервенираше за расчистување на магистралниот пат Кочани-Македонска Каменица каде што се отстранети над илјада метри кубни камења и земја.
– Во соработка со сообраќајната полиција изутринава околу 4 часот интервениравме во расчистувањето на овој магистрален пат, со што по неколкучасовна работа патот целосно е оспособен за сообраќај, истакна Влатко Јорданов,раководител на Македонија пат- секција Кочани.
Според Јорданов, тие редовно ги одржуваат и останатите три магистрални патни правци кон Берово, Пробиштип и Пониква. Што се однесува до резервите на песок и сол во пунктот на Македонија пат во Кочани нив ги има во доволни количини.