Црвениот крст на Град Скопје денеска ќе го организира деветтиот натпревар по прва помош во категоријата подмладок – за ученици од основните училишта во главниот град.
Како што информира Црвениот крст на Град Скопје, ќе учествуваат 15 екипи од 15 основни училишта во Скопје. Натпреварот ќе се одржува од 11 часот на Средно Водно – Даре Бомбол.
– Со овој настан се промовира важноста на првата помош која спасува живот. Во организација и учество на градскиот натпревар ќе бидат вклучени околу 200 луѓе – стручна служба, судии, манекени, водичи, шминкери, логистика и волонтери, соопшти Град Скопје.