Основното училиште „Браќа Миладиновци“ од Куманово доби нов училишен мебел – 250 клупи и 500 нови столчиња за учениците. Oбезбеден e преку донацијата од Централна европска банка во вредност од 200.000 евра, соопшти Марина Манојловска, директорк на училиштето.
– Многу ни значи оваа донација која ни е дадена преку Министерството за образование и наука. Учениците од одделенска настава од прво до петто одделение од септември ќе следат настава во нов училишен мебел, што значително ќе влијае врз воспитно-образовниот процес, бидејќи дел од училшниот мебел е стар и по четириесетина години, изјави Манојловска.
Утре се очекува да пристигне и последната пратка, така што од понеделник мебелот ќе биде поставен низ училниците во централното училиште, но и во дисперзираните објекти на училиштето лоцирани на улицата „Тане Георгиевски“ и кај Соколана. Преку проектот претходно беше извршена санација на фасадата на училиштето, на покривната конструкција, надворешната и внатрешната столарија.
– Работиме на нов проект за парно греење во Соколана, фасадирање, промена на надворешна столарија, врати, подови и претпоставувам дека објектот треба да биде заокружен, рече Манојловска.