Индискиот лекар Ашок Јадава бил убеден дека тој ден ќе го доживее најзначајниот настан во неговиот живот, но не ни претпоставувал дека она што се случило ќе ги надмине сите негови очекувања.
Имено, Ашок требало да се венча и додека сите гости чекале да пристигне невестата и да почне церемонијата, пред објектот пристигнал џип и во салата влетала млада жена вооружена со пиштол, која го киднапирала младоженецот.
Индиските медиуми јавија дека девојката е идентификувана како колешка на Ашок, со која работеле заедно во една приватна болница.
Според истите извори, Ашок бил во љубовн врска во неговата колешка и и ветил дека ќе ја земе за жена. Меѓутоа, согласно индиската традиција, неговите родители веќе му имале избрано жена, па тој морал да ја почитува одлуката на семесјтвото и да се согласи на договорениот брак.
Затоа Ашок ја раскинал врската со девојката и ги прекинал сите контакти со неа.
Полицијата започна истрага за целиот случај, трагајќи по Ашок и неговата киднаперка, кои засега не се пронајдени.