Социјално вклучување на маргинализираните групи преку спортски активности, зајакнување на жените, решавање на конфликти и градење мир преку спорт. Тоа се целите на проектот „Обединети преку спорт“ што од денеска почнува да го реализира Здружението за унапредување на меѓусебната доверба – ТАКТ, со поддршка на Амбасадата на САД во Македонија.
– Проектот ќе создаде мрежа на спортски лидери, кои ќе учествуваат на работилници и активности за градење капацитети, предводени од национални и меѓународни експерти. Лидерите ќе развијат и имплементираат акциски планови во нивните заедници, промовирајќи ги овие теми. Ќе имаат можност и да се пријават за учество на двонеделна програма за спорт во САД, соопшти здружението ТАКТ.