Палестинскиот претседател Махмуд Абас денеска повика за итен прекин на бомбардирањето на палестинските бегалски кампови во Сирија, по крвавиот напад на сириската авијација врз кампот Јармук, во јужниот дел на Дамаск.
– Ги повикуваме сите спротивставени страни во Сирија да ги поштедат Палестинците и нивните кампови во Сирија, истакнува Абас во соопштение, објавено од официјалната палестинска агенција, јави БТА.
Според последните информации најмалку 25 лица се убиени во ракетен напад врз џамија во кампот Јармук, најголемиот палестински бегалски камп во Сирија.