Советот на јавни обвинители по втор пат ја одложи седницата за распишување на оглас за избор на шеф на скопското обвинителство откако истече мандатот на обвинителката Гордана Гешковска.
Од Советот рекоа дека оваа седница ќе се одржи на 25. мај, односно за девет дена, a според извори од обвинителството изборот бил одлозжен поради немање кворум како и поради причини од законот за избори, односно забраната за избор во овој период.
Претседателот на советот на јавни обвинители, Петар Аневски во петокот во изјава за медиумите рече дека седницата ќе се одржи денеска и дека претходно била одложена од повеќе причини.
Според него, нема пречка да се врши избори и после шест месеци од огласот, а како пример кажа дека Катица Јанева како обвинител во 2010 година била избрана осум месеци по огласот.
– Првиот заменик си ја продолжува работата, функцијата му мирува во обвинителството, Златко Биковски така продолжи и овде ќе биде истиот случај, рече Аневски.
Во надлежност на Гешковска се предметите поврзани со насилствата во собранието од 27. април, а скопското обвинителство е под остри критики поради начинот на кој постапува токму со овие случувања. Ова беше втор неуспешен обид на Марко Зврлевски да ја избере за виш обвинител шефицата на својот кабинет.