Амбасадорката на Република Турција во Македонија Тулин Еркал Кара денеска оствари средба со Невзат Бејта градоначалникот на општина Гостивар, со кого разговарале за тековните активности и проекти кои заеднички ќе се реализираат.
На средбата, било констатирано дека соработката е на завидно ниво, а воспоставените врски се одликуваат со реализација на голем број проекти.
– Ние како општина имаме одлична соработка со Република Турција и благодарни сме на финансискиот придонес од кој корист имаат граѓаните и градот Гостивар. Во име на таа соработка, потсетив дека уште во првиот мандат го официјализравме турскиот јазик во општината, а едно училиште го преименуваме со ново име „Мустафа Кемал Ататурк“, рече Бејта.
Виското ниво на соработка го истакна и амбасадорката Тулин Еркал Кара и дека таа се базира на веќе воспоставените врски.
– Ние сме посветени на длабокото пријателство со општина Гостивар. Во Гостивар, бројната турската заедница има поддршка од локалната власт и останатите етнички заедници и тоа е евидентно. Му благодарам на градоначалникот Бејта кој е докажан и голем пријател на Турција, за досега сработеното и на ветувањата за нови заеднички проекти, изјави Тулин Еркал Кара по средбата
На средбата било истакнато и дека градоначалникот Бејта ќе оставри работна посета на градот Бурса.