Во дворот на основното училиште „Лазо Ангеловски“ во Ново Лисиче денеска беше поставен балон, со цел да се промовираат правата на децата.
Децата имаа можност да се фотографираат со балонот и да испратат пораки до своите непознати другарчиња од другите земји опфатени со проектот „Летаме високо за децата“, поддржан од УНИЦЕФ,
Проектот е почнат во 2013 година и има за цел да посети над 100 земји во светот за да ги промовира правата на децата во целиот свет, да се вклучат во културна размена и разбирање преку размена на разгледници со пораки од деца, како и да им донесе радост на оние што ги посетува – особено на оние деца кои никогаш не виделе летачки балон.