Во тек е асфалтирање на дел од обиколницата кај Демир Капија.
Општина Демир Капија информира дека во првата фаза од изградбата на обиколницата е опфатено проширување на трасата, тампонирање, поставување рабници и асфалтирање на коловозот со широчина од 6 метри и должина од 760 метри.
– Со изградбата ќе се овозможи пренасочување на сообраќајот и побрзо и побезбедно движење на возилата. Исто така во тек се градежните активности на останатиот дел од оваа обиколница, информира општина Демир Капија.
Финансиските средства за изградбата се обезбедени од буџетот на општина Демир Капија.