„Ѓорге Иванов има уставна обврска да ја почитува мнозинската волја на 700.000 граѓани преточена во 67 пратенички мандати.
Иванов ќе добие и официјално известување од новиот собраниски претседател дека е демократски формирано легитимно парламентарно мнозинство и дека мора да постапи согласно Уставот и волјата на граѓаните и да го даде мандатот на претседателот на СДСМ, Зоран Заев, да ја формира новата Влада.
Веќе постои и Програма на новата реформска Влада на унитарна Македонија, така што се исцрпуваат сите досегашни неразумни оправдувања на Иванов со коишто ги штити криминалните интереси на Никола Груевски и раководството на ВМРО-ДПМНЕ, наместо граѓанските и државните интереси.
Македонија ќе добие нова реформска Влада. Иванов ќе мора да го прекине самоволието. Секое дело спротивно на државните интереси е противуставно и казниво“ се вели во соопштението на СДСМ.
