Возач на патничко возило е тешко повреден во железничка несреќа што се случила на патниот премин меѓу железничкото стојалиште Тумчевиште и железничката станица Гостивар.
Министерството за внатрешни работи денеска соопшти дека несреќата се случила вчера во 18:24 часот меѓу патнички воз кој сообраќал на релација Скопје-Кичево и возило „сеат леон“ со тетовски регистарски ознаки.
Повредениот возач со Итна медицинска помош бил пренесен во Медицинскиот центар во Гостивар.
Увид на местото на настанот извршила екипа од полициската станица во Гостивар, а во периодот од 18:24 до 21:18 часот бил во прекин железничкиот сообраќај на тој дел од пругата.
