Британскиот весник „Гардијан“ објави фотографија од осомничениот за нападот пред Парламент во Лондон.
На фотографијата се гледа како здравствени работници му пружаат помош на осомничениот напаѓач, кој е на носила.
Во меѓувреме, британската министерка за внатрешни работи Ембер Рад изјави дека безбедноста на британскиот народ е приоритет на Владата.
– Главен приоритет на Владата е безбедноста на нејзиниот народ. Британскиот народ ќе биде обединет за заеднички да ги порази они кои сакаат да ги повредат вредностите кои ги делиме: вредностите на демократијата, толеранцијата и владеење на законот, посочи Рад.
Во нападот загинаа четири лица, а 20 се повредени. Меѓу загинатите е и напаѓачот и еден полицаец.