Германија поставува услов за испраќање на „патриот“ ракетни системи во Турција и бара тие да бидат поставени најмалку 10 километри од границата со Сирија.
Германија укажува на чисто дефанзивниот карактер на „патриот“ ракетите и затоа германските војници и вооружување нема да бидат сместени во непосредна близина на границата, пишуваат германските весници.
Германската Влада минатата недела донесе одлука за испраќање „патриот“ ракети во Турција, а германскиот Бундестаг, кој го има последниот збор, се очекува за тоа да одлучува во текот на неделата.
Заедно со „патриот“ ракетните системи треба да бидат испратени и околу 400 војници од Бундесверот, а мандатот на нивната мисија е ограничен од 31 јануари 2014 година.
Германските медиуми наведуваат дека распоредувањето „патриот“ ракети ќе биде во тесна соработка со Холандија и САД, кои исто така поседуваат ракетни системи.