Според првичните резултати по првиот поминат круг на парламентарните избори во Франција води левицата. Социјалистите освоија 34,9 отсто од гласовите, Фронтот на Левицата освои 6,9 проценти, крајната левица 1 отсто, Европа Екологија – Зелените 5,3 проценти.
Ова покажува дека Оланд со вторит круг ќе го освои потребното мнозинство од 289 пратеника во парламентот.
Досега владејачката десница УМП, според проценките, има освоено 35,4 отсто од гласовите.
Во првиот круг Французите не биле многу расположени за гласање. Дури рекордни 42,8 отсто од гласачите не се појавија на избирачките места.
Наредниот круг е на 17-ти јуни, но Оланд веќе може да смета на апсолутната моќ во Франција која ќе му овозможи да ги спроведе планираните реформи.