Џејмс Харден го оствари 18-от „трипл-дабл“ сезонава, но неговата екипа Хјустон загуби на гостувањето кај Њу Орлеанс со 128:112 во еден од седумте натпревари одиграни во НБА лигата.
Харден средбата ја заврши со учинок од 41 поен, 14 скокови и 11 асистенции, но тоа не му помогна на Хјустон да го избегне поразот од Њу Орлеанс, тим за кој Саломон Хил постигна 30 поени, а Ентони Дејвис оствари „дабл-дабл“ со 24 поени и 15 скокови.
Џон Вол забележа рекордно 20 асистенции, а имаше и 14 поени, во победата на Вашингтон над Чикаго со 112:107 по која тимот на „Булси“ го претрпе седмиот пораз во последните осум натпревари и ги намали своите шанси за пласман во плеј-офот
Во неизвесна завршница Бостон го победи Бруклин со 98:95. Џеј Краудер го имаше својот најдобар натпревар сезонава со 24 поени и 12 скока да ги предводи Селтик до оваа победа. Сепак јунак за „Селтикси“ беше Краудер кој при резултат 85:85 постигна тројка, а во следниот натпревар постигна кош и даде дополнително слободно фрлање.
На останатите натпревраи одиграни ноќеска беа постигнати овие резултати: Филаделфија – Далас 116:74, Детроит – Торонто 75:87, Мајами – Минесота 123:105, Феникс – Орландо 103:109 и Л.А.Лејкерс – Милвоки 103:107.