Сообраќајот на државните патишта се одвива по наместа влажни коловози. Како што информира АМСМ, слаб снег провејува на планинските премини Стража и Буково, но не се задржува на коловозот.
Се препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста појава на одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.