Градоначалникот на Град Скопје Коце Трајановски денеска оствари средба со новиот амбасадор на Турција во Македонија, Тулин Еркал Кара.
На средбата градоначалникот Трајановски и посакал добредојде на амбасадорката во Скопје, изразувајќи уверување дека соработката меѓу двете држави ќе продолжи да се развива во позитивна насока.
Трајановски, како што е наведено во соопштението од неговот кабинет, истакнал дека соработката на двете држави е на високо ниво, како и соработката на Градот Скопје со Турската амбасада во Македонија. Тој посочил дека Скопје негува одлични односи и со повеќе општини во Турција, пред се со збратимените Истанбул и Маниса со кои има одлична соработка.
На средбата станало збор за досегашната соработка, начините за нејзино продлабочување, како и за актуелната политичка состојба во Македонија и состојбата со одржувањето на локалните избори.
