Град Скопје соопшти дека утре и задутре ќе се извршуваат градежни работи – попречен прекоп, на крстосницата меѓу булеварот „Партизански одреди“ и улицата „Московска“.
Прекопот, како што се наведува, се прави заради изведба на приклучок, а се работи во рамки на проектот за изградба на нов фекален колектор по должината на булеварот „Партизански одреди“, на потегот од булеварот „8 Септември“ до улицата „Московска“.
Од Град Скопје ги повикуваат сите учесници во сообраќајот да ја почитуваат поставената хоризонтална и вертикална сообраќајна сигнализација и своето движење да го приспособат на условите на теренот.