Најмалку шест лица загинаа изутринава во напад на талибански екстремисти врз полициска станица во северозападниот дел на Пакистан, соопшти полицијата.
Талибанците нападнале полициска станица во градот Бану, кој служи како врска со племенскиот регион Северен Вазиристан, главно упориште на талибанските екстремисти и Ал Каеда во Пакистан.
Нападот е извршен со рачен минофрлач и автоматско оружје.
Во нападот се убиени тројца полицајци и тројца цивили, кои излегувале од џамија, која се наоѓа во непосредна близина на станицата.
Најмалку осум лица се повредени, тројца полицајци и петмина цивили, додека тројца екстремисти се убиени.