Сообраќајот на сите магистрални и регионални патни правци низ Македонија се одвива во зимски услови и по влажни коловози, особено во западниот дел од државата, каде има врнежи од снег со среден интензитет.
Забрана за движење на тешки товарни возила има на патните правци Крак Маврово – Дебар, на планинскиот премин Стража на патот Гостивар – Кичево, како и на патиштата Струга – граничен премин Ќафасан, Кичево – Македонски Брод – Прилеп, а нормализиран е сообраќајот на патот Отешево – граничен премин Стење, соопшти Автомото сојузот на Македонија (АМСМ).
Поради многу ниски температури можни се подмрзнувања на коловозот, поради што се препорачува внимателно возење и прилагодување на брзината кон условите на патот. На повисоките планински и осојничави места има остатоци од снег кои го забавуваат движењето на возачите.