Во Унгарија вчера преку нелегален пат се обиделе да влезат 224 мигранти, од кои 32 се вратени во Србија, јави РТС.
Во текот на изминатите три денови унгарските погранични служби забележале дури 562 обиди за нелегален влез во Унгарија.
Војската и полицијата што се наоѓа кај заштитната ограда долж зелената линија на унгарско-српската граница спречила 418 лица да влезат на територијата на Европската унија.
Осум километри од границата, на унгарската територија приведени се 144 мигранти без легални документи за престој во Унгарија и тие се вратени во транзитните зони со Србија.