Меѓународниот монетарен фонд (ММФ) ќе го разгледа прашањето за даде свој финансиски придонес во спасувачката програма за Грција, дури откако ќе има сеопфатна дебата за економските реформи и преструктурирањето на долгот, изјави денеска претставникот на Фондот Џери Рајс.
– Пред ММФ да може да ги преземе обврските за наше учество во програмата, имаме потреба да спроведеме дебата за мерките и олеснување на долгот, нагласи Рајс, одговарајќи на прашања на редовна прес конференција.
– Шефицата на ММФ Кристин Лагард и американскиот министер за финансии Стивен Мнучин во телефонски разговор, покрај многу прашања, разговарале и за ситуацијата во Грција, истакна Рајс, одбивајќи притоа да наведе повеќе детали.