Денешното рочиште за случајот „Поткуп“ во кој е обвинет лидерот на СДСМ, Зоран Заев се одложи за 3 април поради отсуство на Заев.
Неговите адвокати кажаа дека тој е во Сараево, каде ќе прими награда за најградоначалник во Југоисточна Европа.
Иако на претходното рочиште одбраната се противеше обвинител да биде Владимир Милошевски поради истечен мандат за обвинител, тој денеска повторно се појави во судницата, а вакавата одлука адвокатот Јаким Наумов ја оцени како преседан, бидејќи според него, не е пракса по втор пат да му се продолжи мандат на обвинител во одделението за организиран криминал.