Пасторот Тери Џонс, кој стана познат по палењето на Куранот во својата црква во Флорида (Dove World Outreach Center) сега на истото место ја обеси и куклата на американскиот претседател Барак Обама.
Џонс тврди дека се одлучил на овој потфат кога дознал дека Обама ги поддржува браковите од ист пол, како и правото на жените на абортус.
Закачената кукла во едната рака држи знаме со виножито од бои, а во другата кукли и деца. Пред бесилката стои куклата на „Чичко Сем“ заедно со американското знаме, извршителот на казната.
Џонс, во интервјуто за Huffingron пост, повтори дека исламот е најопасната закана за националната безбедност и животот во Америка.
Dove World Outreach Center е под посебен надзор е од 2011 година, кога Џонс уништи копија на Куранот, што предизвика лавина протести во Авганистан, при што загинаа 21 лице, вклучувајќи и набљудувачи на ОН.