Италијанската полиција уапсила 68 осомничени членови на меѓународна наркомрежа, која се подготвувала да внесе осум тони кокаин од Колумбија во Италија.
Вредноста на кокаинот изнесувала 1,6 милијарди евра. Дрогата била скриена во плантажа за банани во близина на колумбиското пристаниште Турбо. Италијанската полиција заплени пробна пратка од 63 килограми чист кокаин во кутии со банани во тосканското пристаниште Ливорно.
Наркомрежата била составена од членови на калабриската мафија Ндрангета и повеќе инвеститори, како физички лица така и компании, како ресторани, хотели, автосалони, ноќни клубови и продавници за цигари.
Конфискувани се и недвижни имоти, луксузни возила и банкарски сметки во вредност од осум милиони евра. Операцијата била спроведена во соработка со британската и колумбиската полиција.