Кошаркарот на Оклахома, Расел Вестбрук ноќеска имаше ново шоу на мечот против Мемфис кој неговиот тим го доби пред домашната публика.
Вестбрук ја предводеше Оклахома до победата над Мемфис со 114-102, а средбата ја заврши со нов „трипл-дабл“ учинок, остварувајќи 38 поени, 13 скокови и 12 асистенции.
За Вестбрук кој се наметнува како најсериозен кандидат за признанието МВП – најкорисен играч во регуларниот дел од сезоната, ова беше 25-ти „трипл-дабл“ сезонава.
Кај гостите од Мемфис најзабележителен беше шпанскиот интернационалец Марк Гасол, кој покрај 31 поени, а имаше и 8 асистенции.
Најголема неизвесност синоќа имаше на дуелот во Хјустон каде „Ракетите“ дури по продолжението славеа победа против Чикаго со 121-117. На Џејмс Харден му недостасуваше една асистенција за дуелот да го заврши си „трипл-дабл“ учинок, па покрај 42 поени и 12 скока, Харден имаше и 9 успешни додавања.
На останатите натпревари одиграни ноќеска беа постигнати овие сезултати:
Орландо – Торонто 102:94
Детроит – Минесота 116:108
Бруклин – Индијана 97:106
Бостон – Л.А.Лејкерс 113:107
Денвер – Милвоки 121:117
Портланд – Далас 104:108
Сакраменто – Феникс 103:105
Ноќеска во НБА лигата ќе се играат десет натпревари, а најинтересно се учекува да виде во Њујорк каде гостува шампионот Кливленд.