Повеќекратниот шампион на Израел во кошарка, Макаби го отпушти својот играч Сони Вимс.
Имено, пред неколку дена Американецот одби да му биде извршен допинг тест и пропушти тренинг. Вимс демантираше дека одбил допинг тест, но сепак следуваше реакција на клубот.
Оваа сезона Вимс стигна во Макаби од НБА лигата, а во Евролигата имаше просек од 11,6 поени по натпревар.
Вимс на драфтот 2008 година беше избран од Чикаго Булс, а веднаш пратен во Денвер. Во НБА лигата има настапувано и за Феникс и за Филаделфија.
Во Европа го носеше дресот и на екипите на Жалгирис и ЦСКА Москва, а во 2014 година беше избран и во најдобрата петорка на Евролигата.