Генералниот секретар на Арапската лига, Ахмед Абул Гејт изрази денеска длабока загрижеост поради указот на американскиот претседател Доналд Трамп, со кој им се забранува влез во САД на државјани на седум претежно муслимански земји и се стопира приемот на бегалци.
– Тоа се неоправдани ограничувања, изјави Гејт во соопштение, изразувајќи жалење и поради забрана на Вашингтон да прима бегалци на своја територија.
Гејт изрази надеж дека американската Влада ќе го промени ставот, земајќи ги предвид можните негативни последици врз семејствата, како и врз дијалогот меѓу арапските земји и американското општество, особено во областа на научните истражувања и образованието.