Министерот за локалната администрација и внатрешна безбедност на Кенија, Џорџ Саитоти и неговиот заменик, Оруа Ожоде заедно со уште пет други лица загинаа денеска во хеликоптерска несреќа.
Хеликоптерот се урнал во шума, блиску главниот град на Кенија, Најбори и потоа се запалил.
Саитоти е и некогашен потпретседател на Кенија и еден од најугледните и најпочитуваните политичари.
Минатата година беше најавено дека тој ќе се кандидира за претседател на престојните избори во 2013 година.
Покрај министерот и заменик- министерот, загинаа и нивните телохранители и пилотите.