Лидерите на седум земји од јужна Европа ќе одржат денеска самит, каде ќе разговараат за лојалноста кон Европската унија, и покрај Брегзитот.
На денешниот состанок во Лисабон ќе присуствуваат лидерите на Франција, Италија, Шпанија, Грција, Кипар и Малта, како и домаќинот Португалија.
Претставниците на Португалија наведоа дека лидерите ќе се посветат на блиската соработка во борбата против тероризмот и безбедноста на гранците.
Исто така, тие ќе разговарат и за начините како да се поттикне економски раст, како и за усогласувањето на економијата меѓу државите.