Рускиот министер за надворешни работи Сергеј Лавров денеска изјави дека Москва „не потхранува илузии“ дека затегантите односи со Вашингтон брзо ќе бидат подобрени под раководната палка на Доналд Трамп, пренесоа американските медиуми.
Пред ова, руски официјални лица го поздравија изборот на Трамп за американски претседател и изразија надеж за затоплување на билатералните односи.
Во изјавата дадена во Државната дума, Лавров забележа дека Русија нема „илузии“ дека ќе има ново рестартирање на односите со САД и нема „никакви наивни очекувања“.
„Рестартирање“ (Reset) беше терминот што Барак Обама и тогашниот руски претседател Дмитриј Медведев го договорија и изговорија во 2009 година, за да го опишат зближувањето на двете земји.
Но, оваа иницијатива имаше краток век, потсетуваат американските меидуми.
Претходно денеска, Лавров кажа дека Москва ги поздрави пораките на Трамп дека сака подобрување на односите со Русија.